Gríðarleg hætta steðjar að 2-10 ára nemendum skólanna við Nauthólsveg þar sem umferð hefur mælst yfir 80km/klst. Mikilvægt er að gripið verði tafarlaust til aðgerða með því að færa hámarkshraða niður í 30km/klst og setja upp t.d. hraðahindranir, gönguljós, öryggisrið, eyjur og/eða þrengingar.
Við Nauthólsveg er umferð gríðarlega hröð, framúrakstur er sjáanlegur enda er vegurinn beinn og breiður án þrenginga. Leikskólinn stendur við götuna og Barnaskólinn þar fyrir aftan. Börn hjóla í og úr skóla, heilu bekkirnir ganga daglega í Valsheimilið og í kring og að auki stendur leikvöllur leikskólans beint við götuna. Það þarf ekki að spyrja að leikslokum ef bíll á 70-80km hraða keyrir á barn. Við biðjum um tafarlausar aðgerðir. Lögreglan hefur mælt ökutæki á 78km/klst beint við skólann.
This content is created by the open source Your Priorities citizen engagement platform designed by the non profit Citizens Foundation