Planta trjám við Mosaveg í Grafarvogi

Mosavegur liggur fyrir sunnan og vestan Víkurhverfi. Þar er oft mikil umferð upp í Spöng og í Borgarholtsskóla. Þarna getur verið mjög vindasamt og svæðið fyrir vestan Víkurhverfi er berangurslegt. Þörf er á að planta þar trjám til að minnka ónæðið af umferðinni, skapa skjól fyrir íbúa hverfisins og það myndi setja mun fallegra yfirbragð á svæðið. Þarna er mjög mikið af þúfum og órækt. Ég bendi á hljóðmönina og trjágróðurinn sem liggur meðfram Víkurvegi, austan við Engjahverfi til samanburðar.