Hvað viltu láta gera? Setja almennilega líkamsræktaraðstöðu á Klambratún með æfingabúnaði frá finnska fyrirtækinu Lappset. Þá er ég ekki að tala um þessi æfingatæki sem má nú þegar finna víða um höfuðborgarsvæðið, heldur æfingatæki sem svipa til þeirra sem má finna í Crossfit stöðvum, t.d. stangir með lóðum, kassa fyrir kassahopp, upphífingarstangir, fimleikahringir, bolti og veggur til að gera wall balls, kaðla o.fl. Svipaðar æfingaaðstæður má finna t.d. í Stadsparken í Lundi og víða í Finnlandi. Sjá myndir sem fylgja með og hér er slóð á myndband sem sýnir dæmi um sambærilega æfingaaðstöðu: https://www.youtube.com/watch?v=sX4oYrKGOkU Hvers vegna viltu láta gera það? Það eru margar ástæður fyrir því, m.a.: 1. Það minnkar streitu og bætir svefn að æfa utandyra. 2. Ókeypis líkamsrækt fyrir borgarbúa. 3. Umhverfisvænni leið fyrir íbúa í hverfinu til að hreyfa sig, í stað þess að hoppa upp í bíl og keyra á næstu líkamsræktarstöð þá þarf bara að klæða sig vel, skokka út á Klambratún og taka góða æfingu. 4. Getur sparað fólki töluverðan tíma. 5. Meiri möguleikar að taka börnin með sér í hreyfingu dagsins ef æfingasvæðið væri t.d. staðsett við hliðiná leikvellinum, þá væri m.a. hægt að taka góða æfingu á meðan barnið leikur sér á leikvellinum eða taka æfingu á meðan barnið sefur í vagninum. 6. Betra skap og betri heilsa.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmynd þín var metin tæk* af fagteymi sérfræðinga verkefnisins. Þær 5 hugmyndir sem fengu flest like í hverju hverfi, af þeim sem eru tækar, fara sjálfkrafa á kjörseðlana. Þín hugmynd var ein af efstu fimm og er því sjálfkrafa komin á kjörseðilinn í þínu hverfi. Næsta skref í verkefninu er að velja aðrar þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Kæri hugmyndahöfundur, Til hamingju hugmyndin þín hlaut kosningu í Hverfið mitt 2021. Alls voru 111 hugmyndir kosnar og munu þær koma til framkvæmda á árinu 2022, niðurstöður kosninga má sjá á www.Hverfidmitt.is. Næsta haust hefst hugmyndasöfnun að nýju og gefst þá Reykvíkingum aftur tækifæri til þess að setja inn hugmyndir að verkefnum sem gera hverfi borgarinnar betri og skemmtilegri. Við þökkum þér kærlega fyrir þína þátttöku og viljum hvetja þig til þess að halda áfram að vera virkur þátttakandi í málefnum hverfisins. Ýmsar leiðir eru fyrir borgarbúa til þess að hafa áhrif á þróun borgarsamfélagsins og síns nærumhverfis. Íbúaráð Reykjavíkurborgar eru lifandi samstarfsvettvangur samráðs íbúa, félagasamtaka, atvinnulífs og borgaryfirvalda. Virk íbúaráð eru í öllum hverfum Reykjavíkur og funda þau í hverjum mánuði yfir vetrarmánuðina. Nánari upplýsingar er að finna hér: https://reykjavik.is/ibuarad. Einnig viljum við vekja athygli á því að ábendingavefurinn er alltaf opinn fyrir borgarbúa sem vilja láta vita af einhverju sem betur má fara í umhverfinu eða þarfnast lagfæringar: https://abendingar.reykjavik.is/. Bestu kveðjur, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation