Strætó stoppi við Fjölskyldu- og húsdýragarðinn.

Árlega sækja tugir þúsunda svæðið í Laugardal þar sem er Fjölskyldu- og húsdýragarðurinn, Grasagarðurinn og Skautahöllin. Þá er á svæðinu mikill fjöldi iðkenda í ýmsum íþróttagreinum. Kvartað er undan því að bílar leggi ólöglega og fólk er hvatt til nota annan ferðamáta. Strætó stoppar á Suðurlandsbraut og það er erfitt að fara yfir þessa miklu umferðargötu með stóran hóp barna (t.d. leik- og grunnskólar). Það hlýtur að vera auðvelt í framkvæmd að setja stoppistöð þarna. Það er umhverfisvænt!

Árið 2010 komu 187 þúsund í Fjölskyldu- og húsdýragarðinn. Ég er ekki með nýrri tölur en líklega eru þær svipaðar núna. Síðan bætast við þeir sem vilja fara í Grasagarðinum og þeir sem sækja tómstundir í Skautahöllinni og þeir sem sækja íþróttaviðburði í Laugardalnum. Það er oft mjög erfitt að fá stæði og margir myndu kjósa að nota strætó til að komast leiða sinna fyrir utan þá sem gera það nú þegar t.d. leikskólar. Þetta er spurning um að a.m.k. einn strætó stoppi hjá garðinum.

Smá göngutúr skaðar engan það er rétt hjá þeim sem eru á móti. Það er líka rétt að margir strætóar stoppa á Suðurlandsbraut. Gönguferðin til og frá stoppustöðinni er ekki vandamálið heldur stoppistöðin sjálf. Suðurlandsbraut er ein af fjöfarnari götum borgarinnar og oft mikill hraði þar. Strætóskýlin eru nánast við götuna og að vera þar með stóran hóp t.d. af leik- og grunnskólabörnum er varasamt bæði vegna gífurlegrar mengunar frá bílunum sem og það að halda utan um stóran hóp barnavið götuna.

Stræto stoppar á Suðurlandsbraut leiir 2, 15, 17, og 19, Leið 14 stoppar á Langholtsvegi. Það er tiltölulega gott aðgengi með strætó í Húsdýragarðinn miðað við ýmsa aðra staði. Einungis þarf að fjölga ferðum.

Strætisvagna stoppi stöðvar fyrir Fjölsk og Húsdýragarðinn eru rangt merktar. Stoppi stöðin sem er merkt Fjölsk og Húsdýragarður er fyrir framan Suðurlandsbraut 32 þar sem Fjármálaeftirlitið er til húsa. Aðgöngumiðasala F&H (fjölsk & húsdýragarðs) er beint niður af Vegmúla sem er í 1 km fjarlægð frá stoppi stöðinni að Suðurllandsbraut 32 sem er merkt F&H. Heilu leikskólarnir eru að villast um Laugardalinn á hjólastíg meðfram Suðurlandsbrautinni þar sem hjólahraðinn er mjög mikill og fjöldi manns hefur verið hjólaður niður, Jafnframt hafa leikskólastjórnendur þvælst með ungabörn utan göngustíga um hættusvæði í Laugardalnum þar sem framkvæmdir standa yfir án þess að hafa leyfi foreldra til þess. Endurmerkja þarf strærisvagna stoppi stöðvar og stoppi stöðin fyrir ofan Laugardalshöllina sem er á móts við Suðurlandsbraut 16 og beint fyrir ofan innganginn í F&H og styttir leiðina um 2 x 1 km fyrir utan að engar aðkomu leiðbeiningar borgarinnar eru fyrir slíka hópa á heimasíðu F&H.

Þetta er góð hugmynd, en ég myndi vilja sjá þessa hugmynd útfærða þannig að svona strætó væri rekinn t.d. á álagstímum, á sumrin. Það er argasti óþarfi og peningaeyðsla að hafa slíkan strætó alltaf.. hann yrði ekki ÞAÐ mikið notaður. Ef á veturna, þá væri hægt að hafa hann á ákveðnum tímum, t.d. eftir að frístundaheimili taka við börnum (þá eru leikskólarnir líka opnir) til að hægt sé að fókusera álaginu og spara pening. Á ákveðnum dögum kannski þar sem garðarnir tækju sérlega á móti börnum.

Smá göngutúr hefur engann drepið. Og ef það er of kalt til að labba þetta, þá er of kalt fyrir viðkomandi til að fara í garðinn. Þetta er reglulega gert, strætó látinn ganga eitthvað til að þjónusta eitthvað eitt, og eru þeir nær alltaf lítið sem ekkert nýttir.

Mörg hundruð börn og ungmenni sækja tómstundaiðkun þarna daglega, alla daga vikunnar, frá morgni og langt fram á kvöld. Leiðin frá strætóskýlinu á Suðurlandsbraut ER of löng og frekar skuggaleg í myrkri og algerlega nauðsynlegt að hafa a.m.k. einn strætó sem fer þarna um. Það búa ekki öll börn á heimili þar sem einkabíll er til umráða og sjálfsagt að koma til móts við þann hóp. Vil einnig benda á að enginn af strætisvögnum sem fer um Suðurlandsbraut fer um Hverfisgötu á Lækjartorg. Stór galli.

Ég á börn sem hafa þurft að sækja íþróttaæfingar í Laugardalnum oft eru þær að kvöldi til. Mér hefur ekki litist vel á að þau séu ein á gangi þar sem myrkur er og illa lýst og aldrei að vita hvað getur gerst. Þetta verður til þess að þau eru alin upp við allt of mikið dekur þannig að þau líta á móður sína sem leigubíl.

Tafir við Engjaveg? Hvern myndi strætisvagnaumferð um Engjaveg tefja aðra en þá sem þurfa að komast þangað? Ég fer um Engjaveg 5 daga vikunnar og eina umferðin þar er fólk að keyra börnin sín á æfingar, þ.e. umferð sem myndi minnka ef strætó færi þar um. Að hvaða leiti er vegurinn óhentugur fyrir strætisvagna? Vildi gjarnan fá útskýringar á því.