Færa þorran af þungaumferð af Suðurgötu.

Fyrir nokkrum árum var Suðurgata mjókkuð og breytt í einstefnu með það að leiðarljósi að minnka umferð um eina fallegustu götu Reykjavíkur. Þvert á móti loforðum, framkvæmd og beiðni íbúa þá á sama tíma var allri umferð strætisvagna í miðborginni beint í gegnum Suðurgötu. Óupptalið eru allir bílar tengdir ferðaþjónustu og hótelum. Það er miklu betra að beina slíkri þungaumferð á aðalgötur meðfram sjó og inná Hringbraut/Miklubraut, heldur en að skemma gimsteina eins og Suðurgötu.

Samkvæmt upplýsingum frá lögreglunni hafa hraðamælingar á Suðurgötu sýnt mikinn hraðakstur þar og voru bílar að mælast allt upp í 60 km hraða á þessari götu sem er einungis 30 km gata. Auk þess sem ég tek undir að takmarka þurfi þunga umferð á götunni (strætó ofl) verður að bæta merkingar í götunni sem gefa það til kynna að þarna er um 30 km hámarkshraða að ræða. Einnig má bæta við hraðahindrun á móts við Suðurgötu 14-16 því bílar gefa oft vel í upp brekkuna í átt að kirkjugarðinum.

Ég er fullkomlega sammála færslu Benstef og vil bæta því við að hávaða- og svifryksmengun við Suðurgötu er langt fyrir ofan það sem eðlilegt getur talist. Einnig er hraðinn heldur mikill en maður heyrir fólk gefa í á bílum og mótorhjólum,svo mikið reyndar að ég heyri reglulega bíla skella uppundir á hraðahindrunum. Ég neyðist til að hafa alla glugga sem snúa að götunni ávalt lokaða, en samt dugir það ekki til og er óþolandi hávaðinn og sótið sem um glufurnar kemur sívarandi vandamál á heimilinu.