Fá Sport court körfuboltavöll með góðu undirlagi, góðum körfum og lýsingu í Selásinn. Svona völlur hefur verið settur upp í Kópavogi, Garðabæ, Hafnarfirði, Sauðárkróki og Reykjanesbæ við góðar undirtektir. Staðsetning gæti verið annað hvort við Selásskóla eða á ónýta og ónýtta leiksvæðinu á milli Malarás og Fjarðarás. Körfubolti er holl og skemmtileg hreyfing fyrir fólk á öllum aldri sem hægt er stunda einn/ein eða í hópi og myndi þetta koma með fleiri valmöguleika á svæðinu til að hreyfa sig og hafa gaman. Aðstaðan til að stunda íþróttina í hverfinu er ekki boðleg og tími til að breyta því. Enginn hefur gaman að spila á skakka, netlausa, staka körfu á lélegu undirlagi. Hver veit nema næsti Michael Jordan leynist í Árbænum.
Hugmynd þessi var metin tæk af umhverfis- og skipulagssviði Reykjavíkurborgar. Hugmyndin fór í framhaldi fyrir hverfisráð. Lokaniðurstaðan er sú að þessi hugmynd er ein af þeim 25 sem kosið verður um í haust 2018 í þínu hverfi. Hér má sjá lista yfir þær hugmyndir sem verða til kosninga í verkefninu Hverfið mitt þann 17.- 30. október nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
http://www.visir.is/g/2015150919564/nystarlegur-vollur-vid-smaraskola-storbaetir-adstodu
Þetta segir nú allt sem segja þarf: ,,Körfubolti er holl og skemmtileg hreyfing fyrir fólk á öllum aldri sem hægt er stunda einn/ein eða í hópi og myndi þetta koma með fleiri valmöguleika á svæðinu til að hreyfa sig ..." - Fjölskyldan getur leikið sér saman, stórir sem smáir - Útivera ( í stað tölvuleikja) - Fjölbreyttara val á íþróttagreinum - Körfubolti styður við aðrar íþróttir - Upplagt að nýta betur svæðið milli Fjarðaráss og Malaráss
This content is created by the open source Your Priorities citizen engagement platform designed by the non profit Citizens Foundation